Tвоето право да излезеш на избори и да гласаш е гарантирано со член 22 од Уставот на Република Македонија, каде што е наведено:
“Секој граѓанин со наполнети 18 години живот стекнува избирачко право“.
Избирачкото право е еднакво, општо и непосредно и се остварува на слободни избори со тајно гласање.
Ова значи дека избирачкото право го имаат сите граѓани на РМ и може да го користат под еднакви услови.
Избирачкото право се состои од:
1. Активно избирачко право – право да избираш
2. Пасивно избирачко право – право да бидеш избран
Избирачко право немаат лица на кои им е одземена деловната способност.
Право да избира и да биде избран има секој:
- државјанин на РМ;
- со навршени 18 години старост;
- кој стекнал деловна способност;
- кој е со постојано живеалиште во Изборната единица, општината, односно градот Скопје каде што се врши изборот.
Кандидатот за Претседател на РМ треба да исполнува посебни услови предвидени со Уставот.