ПОЧИТУВАН МАТУРАНТУ,

Со стекнувањето на полнолетност се стекнуваш со одредени права и обврски како граѓанин на Република Македонија.

Покрај преостанатото, со наполнети 18 години живот се стекнуваш и со избирачко право. Право да избираш и да бидеш избран.
Изборите се услов за демократијата.

Демократијата почнува и се остварува преку слободни, регуларни и фер избори.
Изборите се значајни затоа што на изборите граѓаните им го доделуваат мандатот на своите претставници за да ги застапуваат нивните интереси во претставничките тела.

Демократијата функционира кога граѓаните се информирани и вклучени во демократските процеси.
Пред да излезеш прв пат на гласање треба да се стекнеш со одредено знаење за изборите, бидејќи со излегувањето на гласање секој решава за иднината на својата земја.

Е-прирачникот е наменет за сите оние што прв пат ќе гласаат.
Целта на е-прирачникот е да ја објасни изборната процедура, улогата на сите учесници во изборниот процес, изборните органи, политичките партии и гласачите, пред прв пат да излезеш да гласаш.